AD

நடிகர் சூர்யாவுடன் இணையும் சாய்பல்லவி!!

நடிகர் சூர்யா நடிப்பில் இயக்குனர் செல்வராகவன் இயக்கிய வந்த "என்.ஜி.கே" திரைப்படத்தின் படப்பிடிப்பு சமீபத்தில் முடிவடைந்துள்ளது.  தற்போது இந்த படத்தின் போஸ்ட் புரடொக்சன்ஸ் பணிகள் விறுவிறுப்புடன் நடந்து வருகிறது. இந்த நிலையில் கடந்த சில நாட்களுக்கு முன் இந்த படத்தின் டீசர் வரும் 14ஆம் தேதி காதலர் தினத்தில் வெளியாகவுள்ளதாக வந்த செய்தியை பார்த்தோம்.





தமிழகம்  மட்டுமின்றி ஆந்திரா, தெலுங்கானா, கேரளா மற்றும் கர்நாடகம் என ஐந்து மாநிலங்களில் உள்ள சூர்யாவின் ரசிகர்கள் இந்த படத்தின் டீசர் வெளியீட்டை ஒரு திருவிழா போல் கொண்டாட முடிவு செய்துள்ளனர். மேலும்  இலங்கையில் இந்த படத்தின் டீசரை குறிப்பிட்ட சில திரையரங்குகளில் பிப்ரவரி 14ஆம் தேதியே திரையிடவும் முடிவு  செய்யப்பட்டிருப்பதாக கூறப்படுகிறது.

இந்த படத்தில் சூர்யாவுடன்,  ரகுல் ப்ரித்திசிங், சாய்பல்லவி, பாலாசிங், மன்சூர் அலிகான், சம்பத்ராஜ், சரத்குமார், ஜெகபதிபாபு உள்ளிட்ட பலர் நடித்துள்ளார்கள்.  யுவன்ஷங்கர் ராஜா இசையமைக்க, எஸ்.ஆர்.பிரபு தயாரித்துள்ள இந்த படம் வரும் கோடை விடுமுறையில் வெளியாகும் என எதிர்பார்க்கப்படுகிறது.

No comments