AD

நடிகர் பரத்தின் கவலை தீருமா?

நீண்ட இடைவெளிக்குப் பிறகு பரத் ஹீரோவாக நடித்துள்ள படம் சிம்பா. இந்த படம் கடந்த வெள்ளிக்கிழமை அன்று வெளிவந்தது, அவருடன் பானு மெஹ்ரா, ஸ்வாதி தீக்ஷித், பிரேம்ஜி அமரன் ஆகியோர் நடித்துள்ளனர். விஷால் சந்திரசேகர் இசை அமைத்துள்ளார். பிரபல மலையாள ஒளிப்பதிவாளர் சினு சித்தார்த் ஒளிப்பதிவு செய்துள்ளார்.

இந்த படத்தின் கதை போதைப் பழக்கத்துக்கு அடிமையானர்கள் அடிக்கும் லூட்டிகளும் அதனால் ஏற்படும் காமெடி கலந்த சம்பவங்களுமே ஸ்டோனர் திரைப்படங்கள் என்று அழைக்கப்படும். இதில் பிரேம்ஜி அமரன் சிம்பா என்ற நாய்குட்டியாக நடித்திருக்கிறார். வித்தியாசமான இந்த முயற்சிக்கு ஓரளவுக்கு நல்ல வரவேற்பு கிடைத்து வருகிறது.
ஆனால் தமிழ்நாட்டில் சில நகரங்களில் இந்த படம்  வெளிவரவே இல்லை. படத்திற்கு போதிய விளம்பரமும் இல்லை.  இதனால் படம் மக்களின் கவனத்தை ஈர்க்கவில்லை. நீண்ட நாட்களுக்கு பிறகு குறிப்பிடதக்க  படத்தில்  நடித்திருக்கும் பரத் இதனால் வருத்தம் அடைந்துள்ளார்.

 "என் கேரியரில் இது முக்கியமான" படம்.  தமிழுக்கு புதுமையான படம் என்பதால் விரும்பி நடித்தேன். படத்தை ஆர்வத்துடன் எதிர்பார்த்தேன். ஆனால் முறையாக வெளியிடுவதும், விளம்பரம் செய்வதும் தயாரிப்பாளரின் கையில் இருக்கு, இதில் நான் வருத்தப்படுவதை தவிர வேறெதுவும் செய்ய முடியவில்லை என்கிறார் பரத்.

No comments